ہر فرض نماز کے بعد دایاں ہاتھ سر پر رکھ کر ایک ہی سانس میں گیارہ مرتبہ یَاقَوِیُّ پڑھیں۔ یہ دعا سر کے جملہ امراض کیلئے کافی و شافی ہے‘ مثلاً دماغی ٹینشن اور مرگی وغیرہ۔
دایاں ہاتھ سر پر رکھ کر آیت کا صرف اتنا حصہ پڑھیں۔ فَضَرَبْنَا عَلٰٓی اٰذَانِھِمْ فِیْ الْکَھْفِ۔ (کہف 11) پھر ہاتھ پر دم کرکے سر پر پھیریں‘ انشاء اللہ خوب گہری نیند آئے گی۔بستر پر باوضو دائیں کروٹ قبلہ رخ لیٹ کر سات مرتبہ یہ آیت پڑھیں۔تَحْسَبُھُمْ اَیْقَاظًا وَّھُمْ رُقُوْدٌ۔ انشاء اللہ خوب نیند آئے گی۔
قارئین اصلاح فرمالیں!:محترم حکیم صاحب! ہم آپ کے بے حد شکرگزار ہیں کہ آپ نے ہمارے بھیجے ہوئے نسخے عبقری میں شائع کیے۔ستمبر 2014ء کا رسالہ کے صفحہ نمبر 36 پر میرا ایک نسخہ شائع ہوا تھا’’کمردرد سے نجات کا تیربہدف نسخہ‘‘ اس نسخے میں ہم سےتھوڑی سی غلطی ہوگئی تھی اس لیے ہم وہ نسخہ دوبارہ بھیج رہے ہیں۔ ھوالشافی: گندم‘ سونف‘ میتھی دانہ‘ گھی‘ گُڑ اگر چاہیں تو خشک میوہ بھی استعمال کرسکتے ہیں۔نسخہ بنانے کی ترکیب: گندم‘ میتھی دانہ اور سونف کو علیحدہ علیحدہ دھیمی آنچ پر توے یا کڑاہی میں بھون لیں۔ اگر گندم ایک سیر ہوتو میتھی دانہ ایک چھٹانک اور سونف ایک چھٹانک ڈالیں‘ ان تینوں چیزوں کو بھوننے کے بعد اچھی طرح پیس لیں۔ اگر گندم کو پیسنا مشکل ہو تو گندم کی جگہ آٹے کو بھون کر استعمال کرسکتے ہیں۔
اب کڑاہی میں حسب ضرور ت گُڑ ڈالیں تھوڑا سا پانی اور آدھا کپ دیسی گھی ڈالیں‘ اگر دیسی گھی دستیاب نہ ہو تو عام گھی بھی استعمال کرسکتے ہیں۔ اس طرح گاڑھا قوام تیار کرلیں اب اس میں باقی کے اجزاء ڈال دیں اب اچھی طرح مکس کرنے کے بعد چولہے سے اتار لیں اور جلدی جلدی لڈو بنائیں۔ صبح نہار منہ دو سے تین لڈو کھائیں‘ بڑے مزے کے ہوتے ہیں‘ بچے بھی بڑے بھی شوق سے کھاتے ہیں۔ ان کی تاثیر گرم ہوتی ہے۔ اس لیے صرف سردیوں میں استعمال کریں۔ انشاء اللہ کچھ ہی عرصہ کے استعمال سے آپ کو کمردرد سے نجات مل جائے گی۔

(س۔ا)